Joomla 1.5 Template By Youjoomla.com

TANTARANAY

Nifankatia ela izahay roa

Nifampizaha toetra dia nifamolaka tokoa

Nifampitsara endrika sy nifandinika ela

Raha nisy kely aza dia teo no tavela

Nifanatsafa teny izahay, nifanadala koa

Nifampitsapatsapa, nifampiseho mokon-doha

Niara-nihataka indraindray, nefa koa niara-fay

Rehefa samy nahatsapa fa hay ity afo mahamay

Nifandao matetika izahay roa

Nifamaly mazàna ihany koa

Nifampizara izay tsy zaka sy izay rehetra tao am-po

Dia nifamerina indray fa hoe vonona hikaon-doha

Nifampidinika ela tokoa izahay roa

Nifanakalo hevitra, nikaroka izay mahasoa

Tapa-kevitra avy eo fa hiroso sy hanorin-tokantrano

Ny sisa ankinina amin'ny Avo mba tsy hidiran'angano