Joomla 1.5 Template By Youjoomla.com

MAMELA

Mamelà raha mbola tia

Ilay fonao na dia feno ratra

Mamelà na dia tsy ho vita

Ny hanadino izay tsy zaka

Mamelà raha mbola mino

Fa tsy foana ny fitia

Mamelà raha te hanadino

Fa nisy fo iray nania

Mamelà raha mbola te hahatsiaro

Ireo androm-pifaliana maro

Mamelà raha mbola te handre

Hirahiram-pifaliana maro be

Mamelà ary aza mahatsiahy

Izay nanosihosy anao tsy nahy

Mamelà fa any volana any taona

Mbola hifaly ianao, ary izy hisaona