Joomla 1.5 Template By Youjoomla.com

MATOKIA

Eny akia, matokia

Fa mbola tsy niova ilay fitia

Naborako omaly, nolazaiko tany aloha tany

Tsy mbola nisy nipika fa mbola eto ihany

Eny akia, aza manahy

Fa tsy mbola niova ilay fo mitempo feno fitia

Natolotro omaly, niantsampazako hatrizay teny an-tsandrindry

Fo mbola mafana, fo mbola miaina izany raha ny ahy

Eny akia, fihino mafy

Ireto tanako manafosafo sy vonona hiaro ilay fitia

Ilay nifanekentsika fa haharitra ho doria

Fihino mafy fa aza mihafihafy

Eny akia, matoria

Eto an-tratrako eto indry

Fa raha ilay fitia

Tsy mbola niova, tsy nania