Joomla 1.5 Template By Youjoomla.com

MISAOTRA ANAO

Andriamanitra ô tsy ho haiko

Ny tsy hisaotra indray Anao

Noho ny fahalavorarianao

Ao anatinay tsirairay ao

Eny tsy haiko ny tsy hitanisa

Ireny fitiavana an-tapitrisa

Ny fitahianao, ny fiarovanao sy ny sisa

Tanteraka avokoa, akaiky anao no paradisa

Maika moa izao anio izao

Noho ny fitiavanao, satria sitrakao

Dia velona ao am-poko ao

Ny hasambarana tsy mitsahatra mihavao

Tanteraka ny teny nifanaovantsika

Noho ianao, dia indro fa tafita

Ny onjan-dranomasim-be midadasika

Ny fifankatiavanay, ka tojo tora-pasika

Anao ny haja sy ny voninahitra ry Tompo

Anao izahay rehetra, an-tànanao no mitoetra

Ka izao vetsom-bavaka iray avy ao am-poko

Enga anie hahafehy izay tsy voalazako rehetra