Joomla 1.5 Template By Youjoomla.com

ANDROANY

Androany ny peniko tsy mety manoratra

Ny saiko mitokona, tsy mety misokatra

Androany ny foko, tsy mivazo tsy mihira

Androany ny ataoko, tsy mba ataoko an-kira

Androany ny saiko tsy te ho any aminao

Satria tsy misy ambara fa efa tofoka sy lao

Amin'izato lainga, rediredy asesikao

Mbola tsy nisy novaliako hatramin'izao

Androany ny bandy tsy mila tambitamby

Tsy mitomany orokoroka na koa sangisangy

Androany aho raha tia dia sanatria

Raha ho any aminao no hitory fitia

Androany aho tsy kivy na dia feno hatezerana

Androany aho mitraka na dia tsy misy hamelezana

Androany aho hirevy, dia hifoka, hanapy

Androany aho hiezaka hanadino andry

Fa androany aho misaona ny fitiavanao

Androany aho mandroaka an'ilay efa lao

Androany aho misento nefa ho tokana ihany

In-dray mande monja dia hohadinoko ny tomany