Joomla 1.5 Template By Youjoomla.com

HO AN'I NENY

Raha tsy teo ianao ry Neny

Dia tsy ho efa velively

Ireny rehetra rehetra ireny

Soa fa teo ianao niteny

Raha tsy teo ianao nananatra

Dia tsy ho vitako tsy ho vatrako

Ny hamolaka ny vavako

Tsy hanozona sy hivatravatra

Raha tsy teo ianao nitantana

Dia tsy ho tratrako ny tanjona

Na ny asa na ny fianarana

Soa fa teo ianao, ka ny hoaviko niaraha-nibanjina

Raha tsy teo ianao ry neny

Raha tsy teo ianao niaro

Mba ho aiza moa aho rehefa irery

Iza no mba ho saro-piaro

Iza no mba afaka hiantako

Sy hilazako izay manjò

Raha tsy teo ianao ry neny

Asa re iza tokoa?

Ny hany vavako ombieny ombieny

Ho anao irery anie ry neny

Homban'ny fitahian'ny Tompo

Trotroiko am-bavaka ato am-poko