Joomla 1.5 Template By Youjoomla.com

ENTO AM-BAVAKA

Raha tojo fahoriana

Raha sendra hakiviana

Raha mafy ny fijaliana

Raha nilaozana hafaliana

Ento am-bavaka ny fiainana

Ento eo Aminy ny fitarainana

Ankino Aminy ny fiainana

Dia ho hitanao fa hihamaivana

Raha sompatra ny dia

Raha sendra maro ireo tsy tia

Raha toa ianao ondry nania

Raha mitady ilay tena fitia

Ento am-bavaka ny làlana

Asandrato ambony ireto tànana

Aza vizana mangataka

Aza kivy fa eto am-bavaka

Ny fiainanao manontolo

Ento am-bavaka daholo

Na ny mafy na ny soa

Tsy handao anao ny Tompo Tsitoha