Joomla 1.5 Template By Youjoomla.com

ALA NENINA

Angamba kosa tsy ho neniko

Raha toa ka vavaka no hasetriko

Ity kapoaka iray tsy teliko

Ity hazo fijaliana entiko

Ataoko fa tsy hisy ho tsiniko

Raha tonom-bavaka no vimbiniko

Hanatsarako izato vintako

Hanitsinao izay ratsy vitako

Ho teny tsotra sady fohy

Ho vavaka mivantana tokoa

Tompo malala ô, aza mahafoy

Ity zanakao mba hamindrao fo

Miaiky aho fa diso tokoa

Miaiky aho fa ninia nanota

Nefa re ry Tompo Tsitoha

Manome toky aho tsy  hanindroa

Ry Ray malala ô, raha sitrakao

Henoy vavaka ity zanakao

Miangavy re, mba mitalaho

Tanteraho izao faniriako izao

Amen !