Joomla 1.5 Template By Youjoomla.com

MIANDRY AHO

Mino aho, manantena ihany koa

Fa mihaino ahy Ianao ry Tompo Tsitoha

Hamafiso ny finoako raha mitady ho lefy

Ary aoka ho Aminao irery aho no hifefy

Efa voalazanao fa izay rehetra hangatahiko

Raha harahiko finoana dia tsy hihodinanao

Koa na dia marefo tahaka izao aza ny fanahiko

Aoka aho mba tsy hilaozanao raha toa ka sitrakao

Entitra ny teninao raha nibedibedy ahy

Mahatsapa aho fa diso sy tsy mendrika Anao

Nefa indro aho tonga, mbola mijoro sady sahy

Miandrandra mafy valim-bavaka avy Aminao

Ianao ihany no niteny fa izay mahatoky Anao

Na dia efa hila ho very dia tsy mba hilaozanao

Miandry aho, manantena fa Ianao tsy hanary ahy

Matoky indrindra ihany koa ny fitiavanao ka tsy manahy