Joomla 1.5 Template By Youjoomla.com

MBOLA HITRAKA

Rehefa tsy misy mihaino intsony aho

Rehefa dify sady lefy

Ny fahaizako mandahatra izay teny rehetra mety

Azoko handrotsirotsiana anao

Rehefa rahatrizay ka foana

Ny tontolo nofinofiko

Ilay ao anatiko mivaona

Raha injay ho rotidrotika

Rehefa ho feno ny adalako 

Ity takelaka hifandraisantsika

Ilay mba hany fizarako 

Ny amiko, ny momba anao, ny fiainantsika

Rehefa tsy ho eo intsony ianao

Hihaino izato redirediko

Izato alahelo iray tsy teliko

Dia ho aiza aho hoy ianao

Tsy handositra aho fa ho eto ihany

Tsy hahafehy ahy akory raha ny tany

Izaho hanjohy ny diam-peniko tsy tratra

Izaho mbola hiezaka hitraka