Joomla 1.5 Template By Youjoomla.com

TSY HO AHY

Raha tsy ho ahy tokoa ianao

Raha tsy izaho irery no tinao

Raha mbola tsy feno izay natao

Dia tsofin-drano raha handao

Raha tsy mitempo toy ny ahy

Ny ao anaty fonao ao

Nahoana indrindra, asa lahy

No tsy nambara tsotr'izao

Raha tsy isika no anjara

Raha ho ratsy fiafara

Izay natomboka ho tantara

Nahoana re no tsy nambara

Raha tsy ho ahy ihany ary ianao

Raha tena tofoka sy lao

Raha tsy misy ho antenaina

Dia tsy hiferotako aina