Joomla 1.5 Template By Youjoomla.com

SATRIKO

Satriko raha mba hitony

Izany fahoriam-poko

Nefa injao niha-nihombo

Niasova indray ireo tolokoko

Satriko raha mba hiha-lefy

Izany tebitebin-tsaiko

Nefa izao ny levilevy

Mila haningotra ny aiko

Satriko raha mba hiala

Hanalavitra ny nofoko

Ity kapoaka iray tsy ho zakako

Mitady tsy ho azoko ialana

Satriko raha toa fitia

Iray tsy maty tsy mipika

Fitia tsy mba miriaria

No ho ilay fitiavantsika

Satriko ary iriko indrindra

Ianao ry Tompo Ray mahefa

No hitantana sy handrindra

Ny androko ho avy, ny mbola tsy efa