Joomla 1.5 Template By Youjoomla.com

ANY HO ANY

Any ho any, misy fo iray mitempo

Tsy mitsahatra misento

Tsy mba sasatra miventso

Satria ilay malalany tsy eto

Any ho any, misy fo mifankatia

Miara-dia miriaria

Mifampizara hafaliana

Fa manana sandry hitosiana

Any ho any, misy fo mila ho vaky

Fa mitempo fitia voarara

Mihafihafy na dia satry 

Mba ho tò ary ity tantara

Any ho any ihany koa

Misy anjaranareo roa

Anjara iriana mba ho soa

Ankinina amin'Ilay Tsitoha